Одбојкарската федерација на Македонија упати јавна благодарност до фудбалската икона Горан Пандев за поддршката и гостопримството во Струмица.
„Одбојкарската федерација на Македонија упатува голема и искрена благодарност до нашата фудбалска легенда Горан Пандев за несебичната поддршка на женскиот и машкиот одбојкарски национален тим на Македонија во изминатиов период.
Благодариме што хотелот на Горан Пандев беше дом далеку од дома за нашите репрезентативци и што е дел од нашата убава спортска приказна! До следните спортски успеси!!!“, порачаа од ОФМ.
Инаку Пандев не само што ги смести во неговиот хотел, туку периодов беше во родната Струмица и од трибините во салата „Парк“ им даваше поддршка на нашите одбојкар(к)и.
