Давид Луиз имаше две катастрофални грешки и доби црвен картон на мечот меѓу Манчестер сити и Арсенал и беше директен виновник за поразот од 3:0 на Топчиите од Лондон.
По мечот си призна дека го оштетил клубот, а со пристапот во 25-те минути, колку што играше, заслужи само критики од симпатизерите на Арсенал. Тие се нервираат, а српскиот прволигаш Јавор имаше малку поинаков пристап. Имаат одличен настап на социјалните мрежи, а ги насмеаја сите со „итната“ објава за Луиз по дуелот во Англија.
„Давид Луиз повеќе не ни е опција за трет стопер во тимот за идната сезона“, објавија од српскиот прволигаш од Ивањица на „Твитер“.
Давид Луиз од вечерас више није опција за трећег штопера Јавора за наредну сезону. #Брејкинг
— ФК Јавор Матис (@FKJavorMatis) June 17, 2020
Се пошегуваа на сметка на Бразилецот, кој не е веќе во нивните планови како резервна опција, но и на своја сметка бидејќи си признаваат дека одбраната им е катастрофална, со 62 примени гола, најмногу во Првата српска лига.
То не може променити ни чињеница да смо ове сезоне примили највише голова у лиги, закључак је Збора радних људи.
— ФК Јавор Матис (@FKJavorMatis) June 17, 2020
