Лукас Подолски може да се пофали со завидна фудбалска кариера. Некогашниот играч на Баерн Минхен и Арсенал за репрезентацијата на Германија одигра 130 меча, во коишто даде 49 гола, а беше дел и од златната генерација на Светското првенство 2014 година во Бразил.
Поранешниот германски репрезентативец сега го носи дресот на Анталијаспор во турското првенство, а во изминативе неколку месеци, кога започна пандемијата со корона-вирусот, си зададе и уште една мисија. Подолски реши да го спаси омилениот хокејски тим Колнер Хаје, кој западна во финансиска криза поради пандемијата.
За да ги поттикне фановите да се вклучат во спасување на хокејскиот тим, Подолски даде ветување дека ако бидат продадени 100.000 виртуелни тикети за сезоната 2020/21, тој ќе се активира во хокејот и ќе заигра за тимот на Колнер. Мисијата беше успешна, беа продадени над 100.000 виртуелни тикети, а осумкратниот германски шампион во хокеј се спаси од банкрот.
Сега на ред е Подолски да го исполни ветувањето и да застане на лизгалките.
Lukas Podolski will play ice hockey for his favourite club, Kölner Haie, after helping save them from bankruptcy 🥰
He promised he would play for them if they sold 100,000 virtual tickets, allowing them to participate in the 2020-21 season 🏒
Bravo, @Podolski10 👏 pic.twitter.com/NR8g55PGJF
— Goal (@goal) November 18, 2020
