Мечот од Серија А помеѓу Аталанта и Лече, кој беше закажан за петок, и официјално е одложен откако гостинската екипа објави дека починал нивниот физиотерапевт. Експедицијата на Лече веќе пристигнала во Бергамо, но во хотелската соба било пронајдено безживотното тело на 47-годишниот физиотерапевт Грацијано Фиорета.
Од Лече веднаш ги информирале челниците на лигата, како и екипата на Аталанта, па дуелот и официјално е одложен, но сè уште нема нов термин кога би се одиграл.
L’U.S. Lecce, profondamente sconvolta, comunica che è venuto a mancare improvvisamente Graziano Fiorita. Il fisioterapista, da oltre vent’anni nelle fila giallorosse, si trovava con la squadra nel ritiro di Coccaglio. pic.twitter.com/i67p5XJnPA
— U.S. Lecce (@OfficialUSLecce) April 24, 2025
Фиорето уште како многу млад започнал да работи во клубот и таму бил веќе 20 години, наследувајќи го неговиот татко Фернандо, кој 10 сезони бил физиотерапевт на Лече. Од клубот изразиле сочуство до сопругата и четирите деца на Грацијано.
