Јувентус разочара на свој терен и одигра само 1:1 против Нант во првиот меч од 16-финалето во Лигата на Европа. Пред мечот, тренерот на Старата дама, Масимилијано Алегри, најавуваше дека целта е неговиот тим да го освои пехарот во ова натпреварување за да обезбеди место во Лигата на шампиони за следната сезона, но стартот во нокаут-фазата беше неубедлив.
Навивачите на Јувентус, но и тренерот Алегри беа разочарани од португалскиот судија Жоао Пинеира, кој не досуди пенал во корист на домаќините во последните моменти од мечот.
Се играше 95-тата минута кога еден гостински играч со рака ја удри топката која одеше кон голот на Нант. Судијата од ВАР-собата, Тиаго Мартинс, го повика својот колега да ја види сомнителната ситуација затоа што сметаше дека постојат елементи за пенал.
Португалецот тргна да ја види ВАР-снимката, а потоа на неверување на сите на стадионот реши дека немало пенал.
NO PENALTY!? WHAT? 🙆 pic.twitter.com/mAADIJ5qN5
— Max Statman (@emaxstatman) February 16, 2023
На оваа одлука на главниот судија многумина беа многу лути, а посебно нервозен беше Алегри, кој си замина од теренот пред да биде отсвирен крај на мечот.
Спорната ситуација може да ја видите ТУКА.
