Манчестер јунајтед го потврди ангажманот на Каземиро од Реал Мадрид. Бразилскиот играч за врска по завршувањето на медицинските прегледи ќе го стави потписот на четиригодишниот договор.
Реал од овој трансфер ќе заработи 70 милиони фунти, од кои 60 се загарантирани, а останатите 10 ќе бидат поделени во бонуси.
Црвените ѓаволи пред малку се пофалија на социјалните мрежи дека на „Олд трафорд“ доаѓа играч со светска класа, со повеќе од 500 натпревари и освоени 17 трофеи во дресот на Реал Мадрид, од кои 5 се во Лигата на шампионите.
https://twitter.com/ManUtd/status/1560707140918067201
