Кошаркарскиот клуб Црвена ѕвезда официјално објави дека нов тренер на тимот е Саша Обрадовиќ, некогашниот играч и тренер на Црвено-белите.
Обрадовиќ голем дел од кариерата како играч мина токму во Црвена ѕвезда, за која играше во три наврати, а за време на пандемијата на ковид-19 во 2020 година беше и тренер на Црвено-белите.
Претходен клуб му беше Монако со кој прв пат во историјата влезе во плеј-офот на Евролигата, а во сезоната 2022/23 стигна и до фајнал-фор.
