ГОЛЕМ пожар го оштети покривот на велодромот во Олимпискиот парк во Рио де Жанеиро, но самата велосипедска патека не беше зафатена од пламен. Олимпискиот музеј се наоѓа во таа зграда, која беше една од клучните арени на Игрите во 2016 година, пишува Би-Би-Си.
🇧🇷 Incêndio atinge Velódromo do Parque Olímpico no Rio de Janeiro
Até o momento, não há registro de feridos, e as equipes seguem no local trabalhando para controlar o fogo.
Mais detalhes ▶️ https://t.co/65ZSbbKBu9 pic.twitter.com/PqOVjgnc69
— RT Brasil (@rtnoticias_br) April 8, 2026
Државната воена противпожарна служба на Рио де Жанеиро соопшти дека пожарот бил пријавен во 4:17 часот наутро по локално време во среда. Околу 80 пожарникари со 20 противпожарни возила биле испратени на терен. Пожарот е ставен под контрола, а официјалните лица потврдија дека нема опасност од негово ширење во други делови од Олимпискиот комплекс. Во инцидентот нема повредени.
A cobertura do Velódromo do Parque Olímpico pegou fogo. #BalançoGeralRJ
🎥 Reprodução/Record Rio pic.twitter.com/Z2dhuq3gGy
— Tino Junior (@tinojunior) April 8, 2026
Градоначалникот на Рио де Жанеиро, Едуардо Кавалиере, изјави дека првичните проценки покажале дека патеката не претрпела никаква штета.
„Таа останала недопрена и добро зачувана. Очигледно, ќе има чистење и одредено одржување пред да можеме да го прогласиме велодромот повторно за работа“, додаде тој. Потполковник Фабио Контреирас за CNN Бразил изјави дека пожарникарите се обидувале да ги заштитат и артефактите во музејот за време на интервенцијата. Ова не е прв пат покривот на велодромот да биде оштетен од пожар. Два слични инциденти се случија во 2017 година, двата со паѓање на фенери.
