Фудбалерите на Охрид остануваат на лидерската позиција во Втората лига, откако на домашен терен славеа над поранешниот шампион на Македонија, прилепска Победа, со неверојатни 10-0. Давид Матеска постигна четири гола, а по двапати во листата со стрелците се запишаа Јахја, Бакрачески и Јаневски.
Со два бода помалку на втората позиција во второлигашката конкуренција сега е Скопје, екипа која дојде до ефект од четири победи на четирите пролетни меча. „Пиратите“ од Автокоманда со 2-0 беа подобри од Осогово на домашен терен, а победи ова коло забележаа и екипите на Брегалница Штип и Беласица.
Во борбата за опстанок, значајни победи за екипите на Тетекс, Кожуф и Саса, па се чини дека токму оваа тројка ќе игра во баражот за задржување на второлигашкиот статус.
Резултати:
Охрид – Победа 10-0
Преспа – Кожуф 1-3
Новаци – Брегалница 1-3
Саса – Вардар Н. 1-0
Скопје – Осогово 2-0
Детонит П. – Беласица 0-1
Слога В. – Тетекс 0-3
Табела: 1. Охрид 43, 2. Скопје 41, 3. Брегалница 40, 4. Шкендија А. 39 (-1), 5. Беласица 37 …
Утре се игра мечот Големо Коњари – Шкендија Арачиново.
