Започнуваат градежните активности за изградба на западната трибина на градскиот стадион „Билјанини извори“ во Охрид, која беше во лоша состојба и неупотреблива.
По завршување на комплетниот проект, на трибините на стадионот ќе има над 8.000 седишта, со тоа тоа стадионот ќе добие А лиценца за одигрување на натпревари и на репрезентативно ниво.
Исто така објектот ќе добие и модерно осветлување, а се планира и нова трева со најнова технологија, нешто како на националната Арена „Тодор Проески“ во Скопје.
Новата трибина ќе има капацитет од 3.500 седишта и ќе вклучува современи содржини како осум скај-боксови за ВИП зони, медиумски центар и други простории според меѓународни стандарди.
На свеченоста за отпочнување на работите присуствуваа претседателот на ФФМ, Муамед Сејдини, градоначалникот на Охрид, Кирил Пецаков, членовите на Управниот Одбор на ФФМ, Тони Иваноски и Џевад Дибрани, како и претседателот на Општинскиот Фудбалски сојуз на Охрид, Цане Милошоски.
