Министерството за надворешни работи на Велика Британија информираше дека на околу 1.500 навивачи на Челзи и Манчестер сити нема да им биде дозволено да ја напуштат земјата и да патуваат во САД на Светското клупско првенство.
Овие навивачи се само дел од преку 2.200 кои имаат забрана да ги посетуваат стадионите на Островот, и тоа поради нереди, скандирања, пиротехника, но и коментари на социјалните мрежи. На пет дена пред почетокот на Светското клупско првенство на овие лица ќе им бидат одземени пасошите, а во периодот на одржување на првенството ќе смее да ја напуштат земјата само со специјално барање, но повторно нема да може да патуваат во САД.
На оние кои ќе се обидат да ги заобиколат или да ги изиграат законите им се заканува затворска казна од шест месеци и високи парични глоби.
Светското клупско првенство во САД ќе се одржува од 14 јуни до 13 јули оваа година.
