Олимпијакос ја запиша само втората победа во Евролигата по пет кола, откако го совлада актуелниот европски првак ЦСКА среде Москва со конечни 84:79. Избраниците на Кемжура беа мотивирани да стават крај на мини-серијата лоши резултати во континенталното натпреварување, а воедно им го нанесоа првиот пораз на Армејците.
Иако домаќините делуваа сигурно на стартот и ја освоија првата четвртина со 24-18, гостите од Пиреја доминираа до паузата и се изборија за предноста која ја сочуваа до самиот финиш на средбата, а дилемите ги разреши Спанулис со клучна тројка на една минута пред крајот.
Пол и Пунтер комбинираа 36 поени, кои беа доволни за победата, а придонесе и Принтезис со своите 11 поени. И во редовите на ЦСКА имаше расположени играчи, меѓутоа залудни беа 22-та поени на Џејмс.
