Фантастична вечер за љубителите на фудбалот приредија полуфиналистите во третото по ранг европско клупско натпреварување, Конференциската лига. Дури 11 гола беа постигнати во Англија и Италија, а шест од нив паднаа во Бирмингем.
Олимпијакос со голема предност од 2-4 од првиот меч против Астон вила ќе го чека ренашот во Пиреја и е многу блиску до европско финале. Најзаслужен за победата беше мароканскиот интернационалец, Ајуб Ел-Каби, кој постигна хет-трик.
Последниот гол за претставникот на Грција беше дело на Сантијаго Хеце во 67-мата минута, додека за Астон вила во листата на стрелците се запишаа Оли Ваткинс и Муса Диаби, а Даглас Луис промаши пенал во 84-тата минута, кога имаше можност да го намали резултатот на 3-4.
На второто полуфинале, фудбалерите на Фиорентина со 3-2 го победија Бриж и тоа со гол во самиот финиш од мечот. „Виолетовите“ двапати водеа, но претставникот на Белгија успеваше да се врати во игра. Рикардо Сотил со два гола, во петтата и 37-мата минута носеше водство од 1-0, односно 2-1 за Фиорентина, а Ванакен од пенал во 17-тата и Игор Тијаго во 63-тата минута израмнуваа на 1-1 и 2-2.
Конечните 3-2 за Фиорентина ги постави анголецот Мбала Нзола во 91-вата минута.