Францускиот гигант Олимпик Марсеј го претстави својот нов играч, централниот дефанзивец Луис Фелипе, кој пристигнува како слободен играч по раскинот на договорот со Ал-Итихад од Саудиска Арабија.
Луис Фелипе е роден во Бразил, но го носи дресот на италијанската репрезентација благодарение на своето италијанско потекло. Неговиот прадедо бил Италијанец од Венеција кој емигрирал во Бразил, што му овозможило на Фелипе да добие италијански пасош.
Луис Фелипе е добро познат на европската фудбалска сцена. Долги години беше дел од Лацио во Серија А, пред да се пресели во шпанскиот Бетис за сезоната 2022/23. Во септември 2023 година, Бетис го продаде на Ал-Итихад за 22 милиони евра. Сепак, неговата епизода во Саудиска Арабија беше кратка, а сега дефанзивецот се враќа во Европа.
Интересен факт е дека Луис Фелипе го добил своето име во чест на легендарниот бразилски селектор Луис Фелипе Сколари, кој го предводеше Бразил до титулата светски шампион во 2002 година.
Со искуството што го стекнал во Италија, Шпанија и Саудиска Арабија, Луис Фелипе се очекува да биде значајно засилување за дефанзивната линија на Олимпик Марсеј.
