Легендарниот голман на Баерн Минхен, Оливер Кан, смета дека Чаби Алонсо не е вистинскиот тренер за Реал Мадрид. Во Ла Лига, Кралевите се втори на табелата, со четири поени заостанување зад Барселона.
„Не сум изненаден од резултатите на Реал затоа што идеите на тренерот не му прилегаат на стилот на гигантот од Мадрид. Пристапот на Чаби, кој се темели на системски фудбал и позициона игра, бара многу специфични играчи. Но, Реал Мадрид има сосема поинаков стил на фудбал.
Во овој клуб сè е прашање на слобода и индивидуалност. Фудбалерите не сакаат да бидат присилувани да играат во специфични системи – тоа е главното недоразбирање.
На Реал му треба тренер кој ќе го најде најдобриот начин да ги обедини суперѕвездите, а не таков што ќе им кажува дека мора да играат во одреден систем“, смета Кан.
