Масар Омерагиќ и официјално е нов претседател на Фудбалската федерација на Македонија, а во своето прво обраќање до јавноста вети воведување на ВАР во Македонија од следната сезона, но и најави останување на Благоја Милевски на селекторската позиција.
„ВАР систем ќе имплементираме од следната сезона, што би значело од август наредната година. Потребен ни е период од четири до пет месеци за обука на судиите, но и за инсталавжција на камерите и целата потребна опрема.” – вели Омерагиќ.
Во следниот период ќе следува реформа на младинските селекции, но и задржување на континуитот на добри резултати во сениорската репрезентација.
„Ние сме свесни дека мора да работиме уште понапорно за да имаме резултати. Историскиот успех и пласманот на ЕП, како и победата над Италија, мора да ги надоградимр и да покажеме континуитет. Во моментов најважно е најдобрите да играат за Македонија. Суетите треба да се остават на страна кога се работи за националниот тим и секој оној кој има квалитет и желба да игра за репрезентацијата да даде свој допринос. Ќе има комплетна реконструкција на работењето во младинските категории, каде работите не стојат добро. Ние ме го искористивме пласманот на ЕП за да добиеме нови млади фудбалери. Стагнираме и имаме многу лоши резултати и планираме реформа која треба да даде резултат во рок од две години. Младинските селекции треба да бидат расадник за онаа до 21 година од каде треба да црпиме фудбалери за сениорската. Немам намера да влечам нефудбалски потези. Ние бевме први во групата и без разлика на кразата што ја имавме во еден период. Во март започнуваат квалификациите за СП и за сите ќе важи истото, а тоа се резултатите. Само резултатите се мерило и тоа се однесува и за селекторот на сениордката репрезентација.“ – додава новиот претседател на ФФМ, Масар Омерагиќ.
