Хрватскиот портал „Индекс“ објави интересна анкета со избор на најубав дрес во конкуренција на сите 24 репрезентации што ќе учествуваат на Европското првенство.
Интересно е што во анкетата како можен избор на македонскиот дрес ја поставија опцијата што е и најомилена кај македонските фудбалски симпатизери, односно црвениот дрес со сонцето, а не ги земаа предвид новите три варијанти што ги понуди ФФМ во соработка со германскиот производител „Јако“.
Анкетата е во тек, очекувано хрватскиот дрес води убедливо, а Македонија стои одлично и моментно со 358 гласа е на осмото место. Италија е на второто место, зад неа е словачкиот дрес, па шведскиот и финскиот во Топ-5.
Од нашите ривали во Ц групата, засега само Холанѓаните се пред Македонија на шестото место, а Украина е 15-та и Австрија е при дното на 20-тото место.
Анкетата е сè уште во тек и можете да гласате на следниот ЛИНК.
