Кошаркарите на Орландо меџик на двата гостински порази возвратија во иста мера и вторпат го совладаа Кливленд пред своите гледачи. „Магичните“ на домашен терен победија со убедливи 112-89 и ја израмнија серијата на 2-2 во конференциското четвртфинале против Кливленд.
Натпреварот започна израмнето, а гостите беа тие кои направија разлика во втората четвртина и заминаа на паузата со водство од 51-60. Сепак, во второто полувреме следуваше „магичен“ пресврт на Орландо. Домашните го добија третиот период со 37-10, а потоа и последниот со 24-19 и сосема заслужено дојдоа до победата.
Германецот Франц Вагнер беше најдобриот поединец на паркетот со 34 поени и вистински предводник на својата екипа до втората победа против Кливленд.
