Новото коло од бесплатната игра на Sport Life, Спортската прогноза, за почнува денес со мечот помеѓу Бохум и Борусија Менхенгладбах во 15:30 часот. Тоа значи дека ако ги немате пополнето вашите бесплатни типови, имате само уште малку време и да типувате пред почетокот на првиот натпревар.
Од натпреварите кои се играат денес, најголемо внимание привлекуваат дуелите на Лацио и Милан во Серија А, како и дербито на португалското првенство помеѓу Спортинг Лисабон и Порто. Утре на терен ќе истрчаат и фудбалерите на ПСЖ, а најинтересниот натпревар викендов е премиерлигашкото дерби помеѓу Манчестер јунајтед и Ливерпул.
Играчите на Спортската прогноза предност му даваат на Ливерпул, односно дури 57.48% од нив типуваат на победа на „црвените“. Само 18.69% од играчите на Спортската прогноза му даваат предност на Манчестер јунајтед да го добие дербито.
Прогнозерот кој ќе има погодени 13 натпревари ќе може да си одбере еден од подароците (Смарт ТВ самсунг 55” 4K, Xiaomi електричен тротинет, PlayStation®5). За 12 погодени мечеви следува вредносен ваучер од 1.000 денари во Sport Life, додека 11-ката носи ваучер од 500 денари.
