Кристијано Роналдо со своите неодамнешни изјави за квалитетот на француската Лига 1 ја обедини јавноста во Франција, од каде стигнуваат пораки, но и критики за Португалецот. Порака за Кристијано Роналдо имаше и поранешниот освојувач на Светското првенство во 2018 со „триколорите“, Адил Рами.
„Кристијано зборува глупости. Сакаш да ти покажам фотографии од дефанзивците во Саудиска Арабија? Роналдо имаше неверојатна кариера, но сега се служи со некакви трикови. Дојди со твојот мал клуб да играш против Монако, Лил, Марсеј или Брест. Франција, заедно со Бразил, е земја која има најмногу таленти, а клубовите играат одличен дефанзивен фудбал. Ставете го Ал-Наср во Лига 1 и ќе ги изедеме. Јас сум обожавател на Роналдо, но сега згреши. Не може да каже дека првенството на Саудиска Арабија е подобро од француското.“ – рече Рами.
