Србија со 2:1 ја победи Црна Гора во меч од Лигата на нации, а во центар на вниманието е напаѓачот на домашната селекција, Александар Митровиќ. Тој беше стрелец на еден од двата погодоци за победничкиот тим, но можеше да биде и трагичар. Митровиќ промаши пенал, откако сакаше да изведе „Паненка“. За утнатиот удар од белата точка, играчот беше многу самокритичен.
„Не знам зошто го направив тоа. Не мислев да шутирам така, но во една секунда ја променив одлуката. Следав синоќа како Депај даде гол за Холандија од пенал. Веќе никогаш нема да изведам пенал на таков начин“, рече Митровиќ, а потоа еден од новинарите дофрли дека напаѓачот е силен играч и затоа шутнал над гол. Веднаш потоа Митровиќ реагираше: „Не знам. Можеби сум повеќе глуп човек, отколку што сум силен. Сакав да шутнам на страната каде што голманот не се фрли, но ете што се случи“, беше коментарот на Митровиќ.
Како Митровиќ го изведе пеналот и зошто сите му се смеат може да погледнете ТУКА.
