По речиси четири месеци од страшната хеликоптерска несреќа во која загина еден од најдобрите кошаркари на сите времиња, Коби Брајант, истрагата уште трае и собира докази. Брајант заедно со неговата ќерка Џиџи и уште шестмина патници, плус пилотот, загинаа откако хеликоптерот се сруши во близина на Лос Анџелес.
Во извештајот кој е направен на 180 страници, детално е направена анализата за местото на несреќата, но уште не се знае која е причината за падот на леталото. Заклучокот кој го има по овој извештај е дека сите девет луѓе кои биле во хеликоптерот доживеале тапа траума по рушењето во брдото, а потоа загинале како последица од експлозијата која се случила непосредно по падот. Едноставно никој немал шанси да се спаси.
Потврдено е дека пилотот Ара Зобајан не бил под дејство на алкохол, ниту на опојни дроги. Истрагата ќе продолжи за да се соберат докази за тоа која е причината за несреќата во коај загина легендарниот Коби Брајант.
