Светското првенство во 2030 година за првпат во историјата на фудбалот ќе се игра на три континенти, а веќе се познати и дел од градовите на коишто ќе се играат натпреварите.
Веќе е познато дека првите три натпревари од СП 2030 ќе се играат во Јужна Америка, односно во Уругвај, Аргентина и Парагвај, и тоа во чест на 100-годишнината од првото светско првенство кое се играше во Монтевидео.
„Франс 24“ објави дека свеченото отворање ќе биде во истиот град на којшто се играше првото СП, Монтевидео, и тоа на легендарниот стадион „Сентенарио“.
Весникот „Марка“ пак објави дека големото финале ќе се игра во Мадрид, и тоа на реновираниот дом на Реал, „Сантијаго Бернабеу“.
https://twitter.com/theMadridZone/status/1709597685731258833
Во Мадрид ќе се играат и натпревари на стадионот на Aтлетико, „Ванда Метрополитано“, исто како и во Барселона.
Во главниот град на Каталонија ќе се игра на новиот „Камп ноу“, како и на стадионот на Еспањол, „Корнеља ел Прат“.
„Марка“ пишува дека кандидатура за организирање на натпреварите поднеле само уште два града, Севиља, која го понудила стадионот „Ла Картуха“, и Билбао, кој ги понудил „Сан Мамеш“ и „Аноета“.
Од останатите шпански градови кои се блиску до добивање можност да бидат домаќини на СП 2030 се Валенсија и Малага, а тука се и Виго, Ла Коруња, Хихон, Сарагоса, Мурсија и Лас Палмас.
Во Португалија е сигурно дека домаќини ќе бидат Порто со стадионот „Драгао“ и двата стадиони во Лисабон, „Луж“ и „Жозе Алваладе“.
Дури шест града во Мароко се кандидираа за да бидат домаќини на СП 2030, тоа се Рабат, Казабланка, Маракеш, Тангир, Агадир и Фес. Претседателот на фудбалската федерација на Мароко пак се надева дека финалето би можело да се игра на новиот стадион во Казабланка, но малку е веројатно дека Шпанија, која е носител на кандидатурата, би дозволила такво нешто.
"Grand Stade de Casablanca" is a planned future football stadium in Casablanca, Morocco 🇲🇦 with a capacity of 93,000 seats.
It will have an exhibition and fair center, a conference and seminar center, a shopping center, an annex stadium in addition to a specific sports museum. pic.twitter.com/aDSucRf07n
— Africa View Facts (@AfricaViewFacts) December 20, 2022
