Славија Прага го победи тимот на Чешке Будејовице со 2:1 и во супериорен стил и без пораз ја освои 20. јубилејна титула во Чешка.
Славија забележа 26 победи и одигра 8 пати нерешено со што пехарот беше освоен многу пред денешното последно коло во Чешкото првенство.
Разликата е 12 бода пред вечниот ривал Спарта, која го освои второто место со 74 бода. Славија има 13 титули во поранешна Чехословачка, а чекаше дури 49 години, или безмалку половина век од последниот пехар во поранешната држава што го освои во 1947 година, за да стане повторно првак, но на независна Чешка во 1996 година.
Денеска само ја потврдија новата титула, а Славија има и хет-трик, бидејќи е шампион на Чешка три сезони по ред.
WE ARE THE 🇨🇿 CHAMPIONS ❗️
THE UNBEATEN CHAMPIONS ‼️🏆🏆🏆✔️ #UnbeatenSeason pic.twitter.com/8J5rI24DmN
— SK Slavia Prague EN (@slavia_eng) May 29, 2021
Во сегашната држава се вториот најтрофеен тим со 7 титули, зад Спарта со 12 и пред Плзењ со пет пехари.
