Во еден од најиензивесните мечеви во историјата на ракометните европски првенства, Хрватска дури по 80 минути борба ја победи Норвешка со 29:28. Жељко Муса го даде победничкиот гол за Хрватска вреден финале, на три секунди пред крајот.
Пред погодокот на Муса, едни од најзаслужни за триумфот на Коцкестите се голамните Марин Шего и Матеј Ашанин. Шего имаше 9 одбрани, а Ашанин иако не одбрани ниту еден удар од игра, успеа да фати два пенали во клучните моменти. Токму одбраните на Ашанин се нешто што најмногу ги боли Норвешаните.
„Ова е големо разочарување за нас. Беше тоа војна на теренот од почеток до крајот. Хрватска добро играше и го наметна својот ритам, а ние се мачевме со нивната одбрана. Покрај тоа имаа голман кој имаше свој ден. Претходно го немав видено така да брани. Ова е како некој виц, голманот кој не можеше ништо да одбрани, наеднаш против нас го одигра мечот на кариерата“, рече крилот на Норвешка, Кристијан Бјорнсен.