Светската фудбалска организација повторно е критикувана поради цените на натпреварите од Светското првенство во САД, Канада и Мексико. Вчера за првпат имаше отворена продажба за навивачите без да мора да учествуваат во лотарија или да добијат посебен пристап. Илјадници навивачи се обидоа да влезат во порталот на ФИФА, а некои чекаа со часови, а системот даде бројни грешки.
Се покажа дека поради принципот на динамично одредување цени, кој ФИФА првпат го воведе за натпреварите од Светското првенство, цените се дури и повисоки отколку кога првата серија беше пуштена во продажба во декември. Тогаш, најскапиот билет за финалето вредеше 8.680 долари, а сега досгигнува цена од 10.990 долари. Ова го прави натпреварот за трофејот автоматски најскапиот фудбалски натпревар во историјата.
За споредба, најскапите билети за финалето во Катар вредеа 1.604 долари.
Анкетата на Би-би-си за денешните цени на билетите за финалето покажува дека тие се за 38,23% повисоки отколку во декември. Цените се зголемија и за најбараните натпревари, вклучувајќи ги најдобрите тимови и другите клучни нокаут-натпревари.
Веб-страницата објави дека од 72 натпревари од групната фаза, моментално билети може да се купат за 35 средби. „Атлетик“ додаде дека билетите за околу 40 од 104 натпревари од Светското првенство денес биле поскапи отколку во претходната фаза на продажба.
