Комплетниот тим на Арис од Солун е суспендиран за првите две кола во новата сезона на домашното првенство. Причина за оваа жестока казна е инцидентот што го предизвикаа играчите на Арис за време на финалето во Купот на Грција.
Панатинаикос го победи Арис со 1:0, и тоа со гол во 90+7 минута. По примениот гол, голем дел од играчите на Арис гневот го насочија кон судијката Стефани Фрапар.
Токму Фрапар е најдобрата судијка во светот, но играчите на Арис жестоко реагираа, па мораше да реагира и полицијата. Потоа фудбалерите на Арис не присуствуваа на церемонијата на доделување на медалите, па поради сите овие испади, целиот тим на Арис е казнет со два меча суспензија.
ΝΑ ΤΟΥΣ "ΤΣΑΚΙΣΟΥΝ" ΟΛΟΥΣ ΑΥΤΟΥΣ ΣΤΟΝ ΑΡΗ ΠΟΥ ΔΕΝ ΠΗΡΑΝ ΤΑ ΜΕΤΑΛΛΙΑ ΣΤΟΝ ΤΕΛΙΚΟ ΚΥΠΕΛΛΟΥ! ΟΠΩΣ ΤΑ ΛΕΕΙ Ο ΚΟΛΟΚΟΤΡΩΝΗΣ! ΤΟ ΚΑΤΑΛΑΒΑΤΕ "ΕΞΥΠΝΑΚΗΔΕΣ" ΑΡΕΙΑΝΟΙ ΚΙ ΕΣΥ ΨΕΥΤΟΜΑΓΚΑ ΚΑΡΥΠΙΔΗ; #ArisFC #AEKFC #OlympiacosFC #PAOFC #PAOKFC pic.twitter.com/3USlvAeTKR
— Οmiros Τ (@omiros21) July 11, 2024
Освен играчите, суспензија има и за тренерот на Арис, Акис Манзиј. Клубот од Солун има право на жалба на оваа казна. Засега Арис има само шестмина играчи на располагање за првите две кола, а тука сигурно ќе бидат и дел од фудбалерите од младинскиот состав. Секако, право за настап би имале и фудбалерите кои ќе бидат донесени како засилување во летниот преоден рок.
