Ракометната репрезентација на Македонија го доживеа и третиот пораз на четвртиот меч од квалификациите за Европското првенство. Нашите ракометари на овој тажен ден за целата земја се поразени со убедливи 38-27 од Словенија во Копер.
Домашните ракометари доминираа со текот и целиот меч и сосема заслужено веќе и теоретски се на континенталниот собир. Нас сега нѐ чека тешка битка за задржување на континуитетот настапи на големите натпреварувања, бидејќи веќе не зависиме сами од себе.
Македонија во моментов е трета на табелата со два бода, по четири помалку од Словенија и Литванија.
Најефикасен во нашата репрезентација беше Филип Кузмановски со шест гола, додека во победничката екипа најдобар поединец беше Алекс Влах со девет погодоци.
