Нотингем форест продолжува со сезоната од соништата. Тимот за кој никој пред почетокот на сезоната не веруваше дека може да се бори за висок пласман, го победи Евертон на гости со 2:0 и сега е на второто место во Премиер лигата. По еден гол во двете полувремиња дадоа гостинските фудбалери и на крајот стигнаа до трите бода, па сега имаат 37 бодови и само Ливерпул е пред нив. Ова беше петта победа по ред на Нотингем форест во низа.
Нотингем форест е уникатен клуб каков што нема во Европа. Постои повеќе од 120 години, а за овој период имаат една титула во англиското првенство и тоа во 1978 година. Со таа титула, Нотингем Форест си обезбеди место во тогашниот Куп на европски шампиони и ја освои европската титула.
Следната сезона Нотингем форест не го повтори успехот во англиското првенство, но повторно играше во Купот на Европски шампиони како бранители на трофејот и успеаа по втор пат да бидат на континенталниот трон. Така, овој клуб е единствен со две европски титули и еден шампионски трофеј во англиското првенство.
Резултати од денешните мечеви што се одиграа во Премиер лига: Лестер – Манчестер сити 0:2, Кристал палас – Саутхемптон 2:1, Тотенхем – Вулверхемптон 2:2.
