Ракометната репрезентација знае како да ја израдува Македонија. И овој јануари, ракометарите покажаа сплотеност, борбеност, големо срце и неверојатна желба за победа. На таков начин на стартот ја изненадија Унгарија, освоија бод, иако имаа и победа в раце, а потоа нанижаа победи против Гвинеја и против Катар.
Селекторот Кире Лазаров изгради една нова победничка Македонија, која игра модерен ракомет, брзо, разновидно, има свои адути на неколку позиции и не може така лесно да биде „прочитана“.
Ракометарите денеска го прегазија Катар како брз воз, покажаа дека се полетни, но и подготвени за уште поголеми предизвици кои ќе претстојат во наредниот период. А победите ја зголемуваат самодовербата, па Марко Митев најави дека нема така лесно да се предадат дури и против моќната Франција.
