Олимпијакос загуби дома од Монако до 87-92 во евролигашки меч кој беше збогатен со присуство на славниот тенисер Новак Ѓоковиќ.
Во ложата на салата „Мир и пријателство“ во атинското предградие Пиреа беше српскиот тенисер кој овојпат доби овации од публиката, за разлика од синоќа кога беше исвиркан од фановите на Панатинаикос во Атина. Новак е навивач на Црвена ѕвезда чии поддржувачи се збратимени со тие на Олимпијакос, затоа беше и негодувањето синоќа кога се појави на евролигашки меч на Панатинаикос.
Ѓоковиќ најави дека ќе живее во Атина, почна почесто да го посетува главниот град на Грција каде го пресели и турнирот „Србија опен“ за кој има лиценца, а според односот на навивачите кон него, можеби подобро да најде дом во Пиреа отколку во срцето на Атина.
One game in Athens wasn’t enough 😎
The 🐐 of tennis aka @DjokerNole is with us again tonight, this time watching the #RivalrySeries game between @Olympiacos_BC & @ASMonaco_Basket 🤩🎾 pic.twitter.com/4sLFBT3zbv
— EuroLeague (@EuroLeague) October 29, 2025
