Месут Озил е слободен агент откако Фенербахче му го раскина договорот по команда на новиот тренер Јорж Жезус. Му важеше до јуни 2024 година, Германецот размислуваше за пензија по сезоната 2022/23, но турскиот гигант реши да се ослободи од неговата плата.
Сега Озил се наоѓа на чудна раскрсница. Наводно има понуда да стане нов фудбалер на градскиот ривал на Фенер, Истанбул Башакшехир. Втора опција му е да ги закачи копачките на клин и да започне е-спорт кариера.
Поранешниот германски репрезентативец е познат по тоа што обожува да игра видео-игри онлајн. Веќе има вложено во е-спорт тим кој се вика М10 Еспортс, како и куќа во Германија каде што членовите на оваа екипа може да се подготвуваат за турнири.
На 33 години треба да донесе тешка одлука, сепак е жално што кариерата на Озил се сведе на вакво ниво. Не беше така одамна кога Озил важеше за еден од најдобрите плејмејкери на европскиот фудбал.
