Матајс Де Лихт ќе биде нов фудбалер на Баерн Минхен, објави германски „Спорт1“, откако доби зелено светло за трансфер од Јувентус.
Холандскиот репрезентативец мина три сезони во редовите на Старата дама и играше прескромно, откако како големо засилување пристигна од Ајакс во 2019 година.
DONE DEAL! Bayern Munich and Juventus have reached full agreement for the transfer of Matthijs de Ligt. @SPORT1
— Kerry Hau (@kerry_hau) July 17, 2022
Де Лихт има 22 години и го сметаат за еден од најдобрите стопери на планетата, но тоа не го потврди со настапите за Јувентус.
Имаше премногу киксови во мината сезона и не се снајде добро во редовите на Старата дама.
За Јувентус потпиша петгодишен договор за сума од 75 милиони евра, плус бонуси од 10.5 милиони евра.
