Германскиот гигант Баерн Минхен официјално објави дека Џамал Мусијала потпиша продолжување на договорот, со кој ќе остане во клубот до 30 јуни 2030 година.
Дваесет и едногодишниот германски репрезентативец му се приклучи на Баерн од академијата на Челзи во 2019 година и брзо стана клучен играч за тимот.
Претседателот на клубот, Херберт Хајнер, изрази големо задоволство, велејќи:
„Луѓето доаѓаат на стадионот за играчи како Џамал Мусијала. Тој е навистина исклучителен фудбалер.“
Извршниот директор Јан-Кристијан Дресен е среќен затоа што Баерн Минхен ќе го задржи еден од своите најталентирани играчи и германски репрезентативец.
„И покрај неговата млада возраст, Јамал веќе е симбол на Баерн и ја претставува нашата филозофија Mia san mia со својата радост во играта, тимскиот дух и врската со клубот“, изјави Дресен.
Новиот договор наводно вклучува значително зголемување на платата на 25 милиони евра годишно, а содржи и ослободителна клаузула од 175 милиони евра.
