Падна и Вардар – Македонија Ѓ.П. најде рецепт за непобедливите

Од денеска нема непобедливи во македонскиот фудбал, а и Вардар го доживеа првиот пораз во новата сезона, и тоа клучен за елиминација во националниот куп.

Македонија Ѓорче Петров го победи најтрофејниот клуб со 2-1 во реванш-дуелот денеска и со вкупен резултат од 3-2 се пласира во четврт-финалето.

Домаќините двапати водеа, со 1-0 и 2-1 со головите на Христијан Кировски и на крајот успеаја да ја задржат предноста и да се пласираат меѓу осумтте најдобри во Купот. Голот за Вардар го постигна Талески.

Многу полесно и очекувано бранителот на трофејот Шкендија ја продолжи битката за третата круна во серија на Купот. Тетовци со 5-0 славеа во Пехчево, против Кит-Го и со вкупен резултат од 7-0 се пласираа во следната рунда.

Во битката за трофејот се и Кораб, Академија Пандев, Беласица, Победа, Работнички и Силекс.

Резултати, реванш натпревари:

Македонија Ѓ.П. – Вардар 2-1 (вкупен резултат 3-2)

Кит Го – Шкендија 0-5 (0-7)

Беласица – Пелистер 3-1 (5-1)

Академија Пандев – Брегалница 0-1 (6-3)

Победа – Гостивар 4-1 (6-2)

Работнички – Тиквеш 1-1 (2-1)

Силекс – Скопје 2-1 (4-1)

Кораб беше слободен.

ПОВРЗАНИ ВЕСТИ

- Оглас -

Најнови вести