Средбата од холандската лига помеѓу РКЦ Валвајк и Ајакс е прекината во финишот при резултат 3-2 за Копјаниците, поради тешка повреда на голманот на домашните, Етиен Васен.
При еден продор на Брајан Броби од Ајакс, тој се судри со голманот Васен, и чуварот на мрежата го извлече подебелиот крај. Веднаш се виде дека е лошо, играчи се држеа за глава. Веднаш почна да му се дава лекарска помош на голманот кој лежеше без да мрдне.
Спикерот на стадионот објави дека мечот нема да се доигра вечерва. Голманот со носила е однесен во болница, а сега не се знае неговата состојба и за каква повреда станува збор.
#rkcaja Brobbey loopt per ongeluk door op Vaessen… hopelijk komt het goed pic.twitter.com/L8up2zXp8Z
— konate__szn (@DKostuum) September 30, 2023
