Маурицио Зампарини го продаде Палермо за сума од 10 милиони евра на компанија од Лондон, но името на новите сопственици на клубот се чува во тајност.
Илија Несторовски и Александар Трајковски имаат нов газди, кои платија 10 милиони евра, но и ќе мораат да го санираат долгот од околу 23 милиони евра што го остави во наследство еден од најконтроверзните сопственици на клуб во Италија.
Зампарини влезе во војна со навивачите на клубот и на крајот мораше да се предаде. Го купи клубот во 2002 година од Франко Сенси и го остава на првото место во Серија Б.
Во период од околу 16 години под команда на Зампарини, во Палермо играа дузина светски познати играчи од калибарот на Тони, Барѕалји, Дибала, Кавани, Пасторе, Амаури…
