Фудбалерите на Челзи со победата од 5-1 на гостувањето кај Саутхемптон се искачија на второто место во Премиер лигата и се вклучија во борбата за титулата.
За Челзи во синоќешниот натпревар голови постигнаа: Аксел Дисаси, Кристофер Нкунку, Нони Мадуеке, Коул Палмер и Џејдон Санчо, а посебно интересен беше голот на Палмер за 4-1.
Во 77-мата минута Нкунку излезе пред голманот на Саутхемптон, Џо Ламли, и со одличен дриблинг ги помина и него и еден дефанзивец од домаќините, испраќајќи ја топката кон голот.
Gol Palmera protiv Southamptona pic.twitter.com/Z6ARyZwAcc
— Xilk Trops (@reziser87) December 5, 2024
Меѓутоа, пред да влезе топката во мрежата, Палмер успеа да стигне до неа и да ја уфрли во мрежата, на тој начин „крадејќи“ го голот од својот соиграч.
Откако постигна голот, Палмер се поздрави со Нкунку пред да ја започне својата прослава, а Французинот се смееше бидејќи ја разбрал ситуацијата. По натпреварот, Палмер јавно му се извини на Нкунку и призна дека го „украл“ голот поради Фантази Премиер лига.
View this post on Instagram
„Извини Нкунку, но играчите на Фантази Премиер лигата требаше да го имаат мојот гол“, му порача Палмер, а Французинот му одговори дека нема проблем со тоа.
Палмер со својот гол на Фантази донесе 7 поени за оние што го имаа во својата екипа, а досега е втор на листата по број на Фантази поени со 107. Пред него е само Мохамед Салах со 151 поен.
