Фудбалската репрезентација на САД доживеа вистинско разочарување откако беше голем фаворит, но загуби од Панама со 0-1 и не успеа да продолжи во КОНКАКАФ Лигата на нациите, каде што важеше за еден од главните претенденти за титулата.
Селекторот Маурисио Покетино сигурно долго ќе го памети овој натпревар бидејќи неговиот тим доминираше, создаваше шанси, но на крајот беше елиминиран со погодок во финишот.
Во првиот дел, Џош Сарџент донесе предност за САД, но неговиот погодок во 25-тата минута не беше признат поради офсајд. И покрај бројните шанси, Американците не успеаја да постигнат гол, а Панама го казни тоа во 95-тата минута со погодокот на Сесилио Вотермен.
Los momentos y las imágenes que nos regala el fútbol. Cecilio Waterman marca el histórico gol en la Nations League, con el que Panamá elimina a Estados Unidos, y su celebración es con Thierry Henry.
— WillyRodríguez (@WillyRodri13) March 21, 2025
¡Genial! ⚽️🙌🏻pic.twitter.com/MCgh7zB24T
Херојот на мечот имаше уникатна прослава споделувајќи ја својата радост со легендарниот Тјери Анри, кој беше присутен како стручен коментатор. Вотермен претходно изјави дека Анри му е идол, а по победничкиот гол му подари дрес, за што француската легенда му вети дека ќе му возврати со негов дрес од Арсенал.
САД сега ќе се бори за третото место против Канада, додека Панама ќе игра во финалето против Мексико, кој славеше со 2-0 против Канада.
