Глазгов ренџерс, за кој Бојан Миовски ги одигра последните десет минути, беше поразен на свој терен од Генк со 0-1, а голема заслуга за поразот на шкотскиот тим има Диоманде, кој за крвнички старт доби црвен картон во финишот на првото полувреме и го остави Ренџерс со играч помалку на теренот.
Белгијците го искористија тоа, дадоа два гола, од кои едниот беше поништен, а утнаа и еден пенал, сето тоа го направи Кореецот Ох Хеон-Гју. Миовски влезе во игра во 80-тата минута. Наредниот меч на Ренџерс во ЛЕ е против Штрум во Грац.
Најубедлива победа на вечерашните мечеви во Лигата на Европа извојува Панатинаикос, кој со 4-1 триумфираше на гости кај Јанг бојс. Три гола за ПАО даде Мароканецот Абас Зарури.
