Горан Пандев најголемите успеси во својата кариера на клупско ниво ги имаше во дресот на Интер.
Под водство на легендарниот Жозе Мурињо, Македонецот и италијанскиот тим стигнаа до легендарната Триплета, односно титули во Лигата на шампионите, Серија А и Купот на Италија.
Гоче, кој е пред крајот на својата пребогата кариера, во недела со својата Џенова ќе ја дочекаат Рома од 20:45 часот.
Интересно е што ова ќе биде прв натпревар за македонската легенда против тренерот каде што ги имаше најголемите успеси, Мурињо.
Иако и двајцата речиси две децении се во најсилните лиги, освен соработката во Интер, досега ниту еднаш не се сретнале како опоненти.
Воедно, кај Џенова ќе дебитира и новиот тренер Андриј Шевченко, кој ќе се обиде да му донесе стабилност на тимот.