Фудбалската федерација на Македонија доби нов претседател откако на денешното вонредно изборно собрание, Масар Омерагиќ беше избран за оваа функција.
На собранието присуствуваа и легендите на македонскиот фудбал, Горан Пандев, Илија Најдоски, Агим Ибраими, Ѓорѓи Христов и Артим Шаќири, кои ќе бидат вклучени во структурите на ФФМ во иднина.
Горан Пандев, кој ќе ја извршува функцијата спортски директор на сите македонски репрезентативни селекции, истакна дека Омерагиќ е најдоброто решение за претседател на ФФМ.
„Масар Омерагиќ е најдоброто решение за претседателската функција на ФФМ. Му посакувам трпение и успех на патот напред за македонскиот фудбал,“ изјави Пандев.
Покрај него, дел од тимот на Омерагиќ ќе биде и Агим Ибраими, кој ќе работи како советник на претседателот заедно со Илија Најдоски.
