Горан Пандев во дресот на Интер ги помина најблескавите моменти во кариерата. Како дел од составот на Нераѕурите, популарниот Гоче се радуваше на титула во Серија А, а потоа стана и европски и светски клупски првак.
Интер и неговите навивачи, цели 11 години чекаа да се израдуваат на ново скудето и тоа се случи вчера.Гигантот од „Џузепе Меаца“ и официјално е новиот првак на Италија, а Пандев преку социјалните мрежи не заборави да му честита на неговиот поранешен клуб.
