Капитенот на фудбалската репрезентација, Горан Пандев, испрати порака до своите колеги од селекцијата преку социјалните мрежи. Македонија вечевра (20.45) ќе го одигра последниот дуел од групите во Лигата на нациите. На арената „Филип Втори“ гостува Гибралтар, а „црвено-жолтите“ не ќе може да сметаат на својот капитен.
Пандев поради жолти картони е суспендиран и е вон составот за овој дуел, кој требаше да биде негов 100-ти настап во репрезентативниот дрес. За „100-ката“ ќе почека до полуфиналето, а вечерва неговите колеги ќе се борат за победа во негово име.
