Тулуз го изненади Лил, кого го запре на 0-0, па тоа значеше дека и теоретски, Лил веќе не може да го стигне Пари Сен Жермен. Париските „светци“ и официјално ја одбранија титула во француската лига, па вечерашниот дуел со Монако на „Паркот на принцовите“ ќе биде прилика за славење заедно со навивачите.
За ПСЖ, ова е осма титула. До крајот на сезоната во Франција има уште пет кола, а со меч помалку, ПСЖ му бега на Лил за 16 бода.
