Атлетико Мадрид води со 2-0 против Лацио во директниот дуел за првото место во својата група, Порто има 4-2 против Шахтар за втора позиција во групата, во која прва е Барселона, а драма до крај ќе има во групата на смртта, каде што сите четири тима имаат шанса за осминафинале или веќе се таму.
Милан со голот на Пулишиќ израмни на 1-1 на гостувањето кај Њукасл и тоа е резултат кој најмногу му одговара на ПСЖ, кој така би бил втор во групата. Ако ПСЖ победи во Дортмунд, ќе биде и прв, иако по резултатите на полувреме беа трети.
