Лидерот на Евролигата и актуелен европски првак, Реал Мадрид, со одлична игра во првите три четвртини не му даде шанса на Партизан да се надева дека може да слави во нивниот меѓусебен дуел. Реал победи со 91-75, што е најубедлив пораз на белградските Црно-бели сезонава.
Партизан дојде екстра мотивиран во Мадрид, желен за реванш по случувањата и болната за нив елиминација од Реал во четвртфиналето во минатата сезона, но исходот беше како и пролетоска, победа на шпанскиот гигант.
Босанецот Џанан Муса со 23 поени за 19 и пол минути игра беше најефикасен во победничкиот тим.
