Кошаркарскиот клуб Партизан му изрази поддршка на својот тренер Жељко Обрадовиќ и со тоа се прекинуваат шпекулациите за можна разделба на најтрофејниот европски тренер со Црно-белите.
Партизан е во лоша серија резултати во Евролигата, па почнаа и сомнежи околу иднината на тренерот кој го смени целиот тим од минатата сезона и доведе некои играчи кои не ги даваат очекуваните резултати.
Сепак, во Партизан немаат дилеми, популарниот Жоц останува на клупата. Вечерва клубот објави фотографија на која Обрадовиќ ги поздравува фановите кои држат транспаренти на кои пишува: „Жељко Обрадовиќ, еден од нас!“.
