Финалето во регионалната АБА кошаркарска лига ќе продолжи најмалку за уште еден меч откако Партизан ја победи Црвена ѕвезда со 70:67 и намали на 1:2 во победи. Овој дуел траеше речиси три часа, и тоа најмногу поради прекинот кој се случи пред самиот крај.
На 57 секунди пред крајот, Партизан даде тројка со која поведе со 68:65, а потоа имаше и тајмаут.
https://twitter.com/i/status/1532103704077385730
Во тој момент тројцата судии решија да го напуштат теренот, а кошаркарите останаа збунети. Прекинот траеше 40-тина минути, а откако беа расчистени дел од трибините на кои беа навивачите, мечот продолжи.
Во последната минута од мечот Партизан ја задржа предноста од три поени и стигна до првата победа во оваа финална серија.
