Белградското евролигашко дерби му припадна на Партизан, кој продолжи со серијата победи, совладувајќи ја Црвена ѕвезда со 89-82.
Ова беше меч кој многу беше поважен за Црвено-белите, кои се надеваат на место во плејофот или плејинот, па ова е удар по нивните амбиции. Ѕвезда како официјален домаќин имаше и поддршка од публиката, но на крајот славеа оние околу 1.000 фанови на Партизан.
Партизан на шест и пол минути до крајот имаше 15 поени предност, но на крајот беше драматично. Во таа тесна завршница гостите сепак беа смирени и го најдоа патот до победата. Ова е втор триумф на Партизан сезонава во Евролигата над лутиот ривал.
Останаа уште три кола до крајот на регуларната сезона.
